Baniyo Baniyari Bhajan
बाणीयो बणियारी धणी रा देवरे रे जाई
है धरव दिशा से धणी उलटी मेवाड़
बाणीयो बणियारी धणी रा देवरे रे जाई जियो रे जी
है धन रे माल रा का भर लिया उंट
बाणीयो बणीयारी धणी रा देवरे रे जाई जियो रे जी
है छोटी रे मोटी गामडी में रई गया रात
वणी रे गामडी रा हैरू लागा चोर जियो रे जी
है उंडी रे उंडी झाड़ियां में बोले ढाडर मोर
वंणी रे झाड़ियां रो बखंड उजाड़ जियो रे जी
हरे उंची रे नीची घाटिया में चली गई तलवार
मारी दियो बाणीया ने लूटी लियो माल जियो रे जी
हरे उबी उबी बणीयारी वा रोवे नवसो धार
एक एक आंसुडा रा करे नव नव टुक जियो रे जी
है अच्छी नी करी रे म्हारा द्वारका रा नाथ
आई रे पुतर ना कारण खोयो भरतार जियो रे जी
अरे हेलो म्हारो सुनो माता मेणा देरा लाल
भाई रे बिरमदेव राणी नैतल रा भरतार जियो रे जी
है डाबी रे डाबी भुजे धणीरा पड़ी झणकार
उंडी उंडी झाड़ियां में बाणियो मार्यो जाई जियो रे जी
है रुणीजा से घोड़ा छुट्या फटकार्या जाई
केसरिया झामा री वो धणी री झंडी उड़ती जाई
जियो रे जी़
है उबरे रे चोइड़ा तू भाग्यो कहां जाय
बाणिया रो माल तू तो कितरा दन खाए जियो रे जी
हे चाल्यो जा रे रांगडा तू चाल्यो जा राजपुत
ऐसी रे दुंगा थापडा नी घोड़ो लुंगा लूट जियो रे जी
है टुटी म्हारी कामठी ने टूटो म्हारो तीर
पेला मारूं घोड़लो ने पाछे रामोपीर जियो रे जी
हे आंखे करू आंदलो ने आंगे मैलू कोड़
दुनिया में राखू थाने दर्शण वाते चोर जियो रे जी
हरे लेवो बणियारी थारो धन माल सम्भाल
तलक पछोड़ ने बेन्या करदे लंबी सोड जियो रे जी
हरे अगो बलों धन म्हारो अगो बालो माल
बाणिया रो सिस म्हार से जोड़ायो नि जाई जियो रे जी
है मार्यो रे उंखारो धणी उठयो धन्नो सेठ
म्हने रे समाल्यो धणी परजा समाल जियो रे जी
है रुणीजा रा राजा म्हने रस्तो बतावो
उंडी रे उंडी झाड़ियां में पाछा मार्या जांवा जियो रे जी
हरे उंची नीची घटिया ने सामे दिखे तलाव
वणा रे तलाव को यो रामो सागर नाम जियो रे जी
है आधा रे लाख नों धणी देवरो बंधाउ
आधा रे लाख नों धणी छतर चढ़ावा जीयो ये जी
है आधा रे लाख नों धणी जातरू जिमावां
आधा रे लाख नों धणी बावड़ी खणावां जियो रे जी
दोई कर जोड़े भाटी हरिनंद बोल्या
शरणै आया री लाजा राखे रामोपीर जियो रे जी
*********************************
Baniyo Baniyari Bhajan Dhani ra devre re Jaye
Baniyo Baniyari pdf download
